Treftadaeth Llongddrylliadau gan Dr Hayley Roberts

Comisiwn Brenhinol Henebion Cymru (CBHC) yw’r corff ymchwilio a’r archif genedlaethol ar gyfer amgylchedd hanesyddol Cymru. Y Comisiwn sy’n arwain y gwaith o sicrhau bod treftadaeth archaeolegol, adeiledig ac arforol Cymru yn cael ei chofnodi’n awdurdodol, ac mae’n ceisio hybu dealltwriaeth a gwerthfawrogiad o’r dreftadaeth honno’n genedlaethol ac yn rhyngwladol.Gwefan CBHCEin archif - CofleinTanysgrifiwch i'n rhest bostio*﻿************************************************************The Royal Commission on the Ancient and Historical Monuments of Wales (RCAHMW) is the investigative body and national archive for the historic environment of Wales. It has the lead role in ensuring that Wales’s archaeological, built and maritime heritage is authoritatively recorded, and seeks to promote the understanding and appreciation of this heritage nationally and internationally.R﻿CAHMW websiteO﻿ur archive - CofleinS﻿ubscribe to our mailing list

CBHC - RCAHMW

Treftadaeth Llongddrylliadau: Gwerthoedd, Bygythiadau a Thensiynau Cyfreithiol

*Mi fydd y sgwrs hon yn Saesneg**To see the English version of this page go to - <a href="https://www.eventbrite.co.uk/e/shipwrecked-heritage-by-dr-hayley-roberts-tickets-430791758747" target="_blank" data-msys-clicktrack="0" rel="nofollow noopener noreferrer">https://www.eventbrite.co.uk/e/shipwrecked-heritage-by-dr-hayley-roberts-tickets-430791758747</a>

Gwely’r môr yw amgueddfa fwyaf y byd. Mae lefelau llanw sy’n codi, llifogydd a thrychinebau naturiol wedi dinistrio a boddi dinasoedd a gwareiddiadau ar hyd y milenia, gan adael eu gweddillion ar wely’r môr. At hynny, mae’r môr ers amser wedi bod yn ffordd o gysylltu pobl â’i gilydd ac o hwyluso masnachu a mudo, a diolch i gyfuniad o dywydd garw, dylunio gwael a chamgymeriadau mordwyo, mae llongau drylliedig hefyd wedi dod yn rhan bwysig o’n treftadaeth ddiwylliannol dan y dŵr. Mae llongddrylliadau’n addysgiadol mewn ffordd unigryw oherwydd eu bod yn gapsiwlau amser, yn ddarlun sydyn o eiliad mewn amser cyn iddynt suddo. Yn gyffredinol, mae dŵr oer y môr yn tueddu i warchod llongddrylliadau, sy’n ein galluogi i ddarganfod gwybodaeth am fasnachu a mordeithio, cynnyrch, mudo, cydberthnasau cymdeithasol ac ymddygiad yr hen fyd – gwybodaeth na fyddai’n hysbys i ni fel arall, efallai.Dim ond yn ystod yr ugeinfed ganrif y daeth llongddrylliadau’n fater rheoleiddiol, pan wnaeth datblygiadau technolegol hi’n bosibl i waith archwilio ddigwydd dan y dŵr, gan alluogi pobl i gyrraedd llongddrylliadau. Erbyn hyn mae siambrau tanddwr yn gallu teithio i ran ddyfnaf y môr y gwyddys amdani; mae modd cyrraedd rhai llongddrylliadau â snorcel; ac mae rhai hyd yn oed yn gorwedd mewn dyfroedd rhynglanwol. Mae pob llongddrylliad yn y byd, fwy neu lai, o fewn ein cyrraedd yn awr. Mae hynny’n golygu bod llywodraethu a gwarchod llongddrylliadau hanesyddol wedi dod yn her reoleiddiol o bwys yn ystod y blynyddoedd diwethaf. Mae’r her honno wedi dwysáu’n benodol oherwydd bod gan longddrylliadau werthoedd amrywiol sy’n ymestyn y tu hwnt i’w statws fel gwrthrychau hanesyddol ac archaeolegol, a bod y gwerthoedd hynny’n gallu creu cymhlethdodau mawr os ydynt yn gwrthdaro â’i gilydd. Bydd yr anerchiad hwn yn archwilio amryw werthoedd llongddrylliadau ac yn esbonio faint o’r gwerthoedd hynny allai fod dan fygythiad. Bydd hefyd yn bwrw cipolwg sydyn ar rai o’r tensiynau cyfreithiol a’r heriau sy’n codi pan fydd y gwerthoedd a bennir gennym i longddrylliadau hanesyddol yn gwrthdaro â’i gilydd.*﻿*****************************************Mae Dr Hayley Roberts yn Uwch-ddarlithydd mewn Cyfraith Ryngwladol Gyhoeddus ym Mhrifysgol Bangor ac yn Is-gadeirydd y Bwrdd Comisiynwyr yng Nghomisiwn Brenhinol Henebion Cymru. Mae ei diddordebau o ran ymchwil yn ymwneud yn bennaf â chyfraith ryngwladol y môr, yn enwedig treftadaeth ddiwylliannol danddwr a’r newid yn yr hinsawdd. Bu ei phrosiect diweddaraf a ariannwyd gan grant yn archwilio treftadaeth ddiwylliannol forol fel blaenoriaeth o ran addasu i’r hinsawdd, ac ar hyn o bryd mae’n ysgrifennu monograff sy’n dwyn y teitl “State-owned Shipwrecks and International Law”, a gyhoeddir gan Wasg Prifysgol Cymru yn 2023. At hynny, mae Dr Roberts wedi’i phenodi i Bwyllgor Degawd Cenedlaethol y DU ar gyfer Degawd Gwyddorau Eigion ar gyfer Datblygu Cynaliadwy y Cenhedloedd Unedig. Darlith Ar-Lein y Comisiwn BrenhinolCaiff y ddarlith ddi-dâl hon ei darparu drwy Zoom ac anfonir y gwahoddiad i chi ar ôl i chi archebu’ch lle. Peidiwch ag anghofio lawrlwytho Zoom os nad ydych wedi gwneud eisoes.Mae nifer cyfyngedig o docynnau a rhaid bwcio ymlaen llaw.Gofynnwch am un tocyn ar gyfer pob teulu.

Our {communityGuidelinesLink} describe the sort of content we prohibit on Eventbrite. If you suspect an event may be in violation, you can report it to us so we can investigate.

To report other categories of prohibited or illegal content, submit {link}

Treftadaeth Llongddrylliadau gan Dr Hayley Roberts

More events from CBHC - RCAHMW

Discover more events from CBHC - RCAHMW, from Community to other experiences you might love.

Still looking for the right event?

Explore all online events to browse and filter by date, category, and more.

Treftadaeth Llongddrylliadau gan Dr Hayley Roberts

More events from CBHC - RCAHMW

Discover more events from CBHC - RCAHMW, from Community to other experiences you might love.

You might also like...

Browse more events with different dates, prices, and formats to find your next great experience.

Still looking for the right event?

Explore all online events to browse and filter by date, category, and more.